General Santos City – Kumpiyansa si Engr. Froilan Jamias, regional director sa National Telecommunication Commission (NTC) 12 nga makab-ot ang target nga ihap sa sim cards nga kinahanglang marehistro sa tibuok nasud.
Matud niini, ang gobyerno og uban pang stakeholders ang nagtinabangay sa pagpatuman niini.
Gikadugang pa niini, padayon ang gihimong information drive kabahin sa Republic Act 11394, o mas naila nga Subscriber Identity Module (SIM) Registration Act.
Kahibaluan nga hangtod Abril 26, 2023 ang target sim cards sa tibuok nasud nga kinahanglang marehistro ang anaa sa 169 million nga active sim.
Sa ulahing data nga gipagawas sa NTC, anaa na karon sa 24, 600,000 ka active sim cards kon 15% ang narehistro.
Sa iyang pamahayag nga dinhi sa Gensan, walay problema ang internet connectivity hinungdan nga positibo kining makarehistro ang mga sim card. (Fred Degala)
