Buksan karong umaabot Marso 2023 ang mga dialysis centers didto sa Provincial Hospital sa Dakbayan sa Danao ug Dakbayan sa Carcar.
Kini maoy gi pahibalo sa Medtronix Medical Supplies and Equipment atol sa ilang presentation sa Economic Enterprise Council nga gi preside ni Gov. Gwen Garcia, didto sa Kapitolyo, kagahapong adlawa, Enero 27,2023.
Ang construction sa duha ka dialysis centers nagpadayon karong panahuna aron makuha ang gi target nga buwan.
Mudawat ang maong duha ka dialysis centers og mga paryinte nga adunay problema sa kidney.
Dako unya kini nga tabang sa mga paryinte nga dili na mubiya og layo aron lang magpa dialysis.
Ubay-ubay na usab ka mga dialysis centers sama didto sa Lungsod sa Balamban ang nabuksan pinaagi sa paningkamot sa Kapitolyo pingaluhan ni Gov. Garcia. (Renante Lada, photo courtesy of Sugbo News)