28.4 C
Manila
Sunday, March 3, 2024

General Santos: Suspek sa pagpatay sa duha ka lalaking una nang nakaplagan sa Cabuway road, sinawal takda nang kasuhan

- Advertisement -
General Santos City – Takda nang pasakaan ug kaso sa Police Station 2 ang suspek sa pagpatay sa duha ka mga biktimang unang nang nakaplagan patay sa Cabuway road, Barangay Sinawal niadtong milabayng Enero 20, 2024.
Segun ni Police Major Carl Jayson Baynosa, hepe sa Police Station 2, duha ka mga suspek ang ilang pasakaan ug kasong murder kansa gitudlong suspek sa pagpatay sa mga biktimang si Wahab Kasim, legal age nga taga Purok Pandian, Barangay Labangal ug Alssimal Abissani, legal age, residente sa Purok Mudia, Barangay Labangal.
Unsehan sa Illegal nga droga ang ginatan-aw nga motibo sa kapulisan base na usab sa background sa mga biktima apan ginatan-aw usab sa Police Station 2 ang lain pang anggulo sa krimen nga mao ang rido tungod sa away sa yuta human migawas sa ilang imbestigasyon nga adunay kabikil sa luna ang pamilya sa biktimang si Wahab.
Dugang pagbutyag sa opisyal nga laing kaso usab sa pagpamusil nga natigayon sa Purok Olarte, Barangay Labangal ang apil nga ipasang-at batok sa gikaingong duha ka mga suspek.
Ang mga nasampit mao usab ang nipusil sa usa ka batan-on nga igo ra intawon nga niagi sa lugar sakay sa iyang besekleta. Nagub-an ug bike ang biktima maong iyang giayo apan giduol siya sa duha ka suspek dayon gipusil.
Maayo nalang nga nakaluwas sa baba sa kamatayon ang biktima ug nakasulti kinsa ang mipusil ngadto kaniya. (Jun Abelo)
- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -