General Santos City – Hugot pa ang imbestigasyon sa mga nagkadaiyang ahensya ang pagkasunog sa usa ka panagatan sa Tambler ning dakbayan.
Matud pa kang Captain Michell Ursabia, Spokesperson sa Coastguard District Southern Mindanao nga wala pa nasayran ang hinungdan sa sunog.
Ang maong panagatan ang rehistrado sa Papua New Guinea ang panagatan nga gidala sa GenSan aron ipaayo apan taga dakbayan ang tag-iya.
Gibutyag nga milungtad sa tulo ka oras ang sunog una napalong.
Gituohan nga sa hydrualic room o sa ubos nga basin sa barko nanukad ang sunog.
Ang nagkadaiyang ahensya sa gobyerno ang nagtibangay aron nga mapalong ang kalayo. (Fred Degala)