General SAntos: SOUTH COTABATO POLICE PROVINCIAL OFFICE May Bag – o nang PROVINCIAL DIRECTOR

South Cotabato – May bag-o nang PNP Provincial Director ang South Cotabato Police Provincial Office (SCPPO). Kini mao si Police Col. Samuel Cadungon.

Atol sa gihimong Turnover Of Command Ceremony kaganinang buntag nga gipangunahan ni PRO-12 Regional Director Police Brig. Gen. Jimili Macaraeg hingpit nang milingkod sa iyang katungdanan isip PNP Provincial Director si PCol. Cadungon sa SCPPO.

Anaa usab atol sa maong aktibidad si South Cotabato Governor Reynaldo Tamayo.

Dako ang pagpasalamat ni Cadungon ngadto sa mga tag-as nga opisyal sa kapulisan sa rehiyon sa pagpanguna ni RD Macaraig tungod sa gihatag nga pagsalig kaniya aron huptan ang kapulisan sa probinsya.

Dungan niini, gisaad ni Cadungon nga iyang himuon ang tanan aron mamintinar ang kahapsay ug kalinaw sa probinsya ug mapakgang ang kriminalidad. (Jun Abelo)