General Santos: Senior citizen, patay human giatake sa kasing-kasing samtang nagmaneho; gimanehoang SUV nabangga sa container van

0
12

General Santos City – Dead on arrival sa ospital ang usa ka drayber human kini giatake sa kasing-kasing samtang nagmaneho sa iyahang sakyanan sa Purok Masagana, Diversion Road, Barangay San Isidro, Gensan. Nahitabo ang insidente pasado alas 3 sa hapon sa Nobyembre 9 apan ulahi na matud pa kining napatala sa TEU. Nailhan ang biktima nga si Rolando Alquizar, 64-anyos, residente sa Digos City. Basi sa imbestigasyon sa kapulisan gikan sa Tampakan, South Cotabato ang biktima kuyog ang iyahang pamilya ug pauli na matud pa sila sa Digos City dihang nahitabo ang insidente.

Nawad-an matud pa og kontrol sa manobela ang drayber rason sa pagkabangga. Naguba ang atubangan nga bahin sa SUV lakip na ang poste sa koral sa tag-iya sa luna. Sa kasamtangan gi-impound sa TEU ang sakyanan ug gihulat sa kapulisan ang mahimong panagsabot tali sa pamilya sa namatay nga drayber ug sa tag-iya sa luna nga si Judith Banquicio. (Rey Ombaña)

Leave a Reply