Padayon ang expansion karon sa Sarangani Provincial Hospital. Padayong ginahuman ang dungag tulo (3) ka andana nga wards building sulod sa provincial hospital sa Sarangani.
Mapasalamaton na lamang si Doctora Aileen Brion, ang chief of hospital, nga karong tuiga, dako na usab nga budget ang gi-aprobahan nila Governor Steve Chiongbian Solon ug Sangguniang Panlalawigan nikabat sa hapit P154 Milyon ka pesos alang sa tinguha nga mahimo kining Level 2 hospital, apil na ang padayong pag-hire og mga trabahante ma-medical man o non-medical nga mga personahe.
Gawas sa gimuntar nga water fountain sa hospital lobby, nindot napud ang main entrance sa Sarangani Provincial Hospital gumikan glass sensor. Dili manwal nga pultahan kundili glass sensor, automatic kining mu-abri kung ma-detect nga adunay tao nga mupadulong, susama sa pultahan sa mga hi-tech nga mall.
Una ng nahimo nga Level 1 municipal hospital ang Kiamba Municipal Hospital, Malungon Municipal Hospital ug Glan Municipal Hospital, nahitabo sulod lang tanan sa termino ni Governor Solon.
Nubenta (90) na kabuok surgical cases ang malampusong na-operahan sa Sarangani Provincial Hospital, ug daghan pa unya ang matabangan kung mahimo pa kining Level 2 hospital.
