34.7 C
Manila
Thursday, March 28, 2024

General Santos: Sarangani province gideklara nga rank 18 Most Competitive Province taliwala sa 82 ka probinsya tibuok Pilipinas

- Advertisement -

Nagmaya na usab karon ang mga katawhan ug opisyales sa entiro probinsya sa Sarangani gumikan sa laing kadaugan ug kalampusan nga nadawat bag-uhay lang sa LGU Sarangani.  Gideklara nga Top 18 ang Sarangani Province nga Most Competitive Province out of 82 provinces sa tibuok Pilipinas. Kini ang nigawas sa tuig 2021 Competitiveness Index kung asa upat (4) ka criteria ang gibasehan nga mao ang Government Efficiency, Economic Dynamism, Infrastructure ug Disaster Resiliency.

Visit RPN DXDX General Santos

Ang organizer sa kini nga matag tuig nga kalihukan mao ang National Competitiveness Council, DTI o Department of Trade and Industry, kaabag ang gobyerno sa America pinaagi sa ilang USAID kon United States Agency for International Development.

Segun ni Ms. Melbie Guiang-Daguro, ang investment officer ilalum sa STIPC kon Sarangani Tourism and Investment Promotion Center, kini nagpamatuod matud pa nga sakto ang ginabuhat sa mga local official sa pagpanguna ni Governor Steve Chiongbian Solon kuyog ang mga municipal mayor nga paghatag og maayong programa, proyekto ug serbisyo sa katawhan.  Maayo matud pa ang kalihukan sa ekonomiya sa Sarangani Province padayong ga-engganyo og mga investor ug mga negosyante tungod napud sa maayo nga pagpadagan sa lokal nga gobyerno. Nisamot na sa hisgutanang imprastraktura nga naka-benipisyo ang mga kabarangayan. Dugangan pa sa kaandam sa LGU sa mga kalamidad.

Gani, gawas sa paspas nga pagtunol sa mga relief goods, gatusan ka sinakong bugas, linibo ka litros sa krudo nagamit sa mga heavy equipment sa clearing operation sa mga kadalanan, ug pagkontak sa DSWD Region 12 ug National Housing Authority alang sa programa sa pabalay human sa nahitabo nga dakong pagbaha, ₱ 1.2 Milyon ka pesos dayon ang pasiuna nga ayudang pinansyal sa Maitum gikan sa Sulong Kaligtasan program ni Governor Solon, katambayayong sila Vice Governor Elmer De Peralta ug mga board member, lakip na sila Senador Manny ug Congressman Ruel Pacquiao. Ika-dise otso (18) ang Sarangani sa ranking sa Most Competitive Provinces taliwala sa otsyenta dos (82) ka probinsya sa nasud. Sa maong criteria o pillars, gideklara pud nga Rank 38 sa overall ranking ang lungsod sa Alabel nga most competitive municipality taliwala sa 508 kabuok munisipyo, first ug second class municipalities tibuok Pilipinas. Rank 46 ang LGU Malungon.

Samtang, Rank 28 ang Alabel ug Rank 47 ang Malungon sa infrastructure pillar. Rank 48 sa government efficiency ang Alabel. Sa disaster resiliency criteria, Rank 9 ang Malungon, Rank 17 ang Alabel, Rank 23 ang Maasim, Rank 30 ang Malapatan, ug Rank 42 ang Kiamba out of 508 ka munisipyo sa Pilipinas. Ang maong mga pasidungog pinaagi sa plake ang gitunol mismo ni DTI 12 Regional Director Jude Constantine Jaugan ato lang niaging adlaw, Marso 24, sa seremonyas nga gi-organisa sa Region 12 Competitiveness Committee sa may Koronadal City.

Tungod nasakmit sa Sarangani Provincial Government ang Rank 18, kwalipikado na kini nga makasulod sa criteria sa lain nga inila nga pasidungog sa gobyerno ilalum sa DILG, ang SGLG kon Seal of Good Local Governance, kung diin makasulod lang niining SGLG award sa DILG kadtong mga probinsya nga nakasulod sa Top 20 most competitive provinces nationwide.

(Source: PIO Sarangani | STIPC)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -