General Santos: Reforestation Development Plan sa Sarangani, anaa na sa 90% nga nahuman

0
7

Alabel, Sarangani – Ang Reforestation Development Plan (RDP) sa Probinsya sa Sarangani ang anaa na sa 90% nga nahuman. Kini ang gibutyag ni Mr. Rolando Tuballes, ang Provincial Environment and Natural Resources Officer (PENRO).

Ang RDP ang 9-ka tuig nga plano nga naka-pokus alang sa pagpalambo pa sa water security sa Sarangani ug target niini ang pagpadaku ug pag-amuma sa kalasangan aron nga adunay daghang kakuhaan og tubig. Kini naka-angkla sa Provincial Integrated Water Security Management Plan ug ang One Million Trees Project ni Sarangani Governor Rogelio D. Pacquiao.

Mapasalamaton si Tuballes sa tabang sa tanang nitabang alang sa pagmugna sa usa ka komprehensibong plan, apil na niini ang mga stakeholders, ilabi na ang mga Municipal ENRO’s sa pito ka mga munisipyo sa Sarangani, ug sa ayuda usab sa USAID Safe Water Project.

Kaniadtong Marso 8, ang PENRO ug ang USAID ang mi-presenta sa ngadto sa technical working group, sa drafy sa plano ug sa paglikom sa mga kontribusyon sa mga partner agencies ug sa mga himoong adjusments.

Karon nga hapit na mahuman ang maong RDP, target nila nga ma-aprubahan sa Provincial Development Plan Council ( PDC), ug sa pag -adapt niini ug ma-endorso sa Sangguniang Panlalawigan alang sa paghatag og pondo.

Sa plano usab, sulod sa napulo ka tuig ang probinsya sa Sarangani ang mananom og 1.9 million ka mga kahoy, kon diin mokabat sa 2,800 hectares sa kalasangan sa probinsya ang matamnan.

(News & photo courtesy by Mosler Paul Lapore | Sarangani PIO)

Leave a Reply