General Santos City – Kasong grave threat ang takdang ipasang-at sa Police Station 2 batok sa Pulis nga si PMSg Steve Francisco, 43 anyos nga nakabase sa Pigcawayan Municipal Police station ug kaubanan niining alyas Allan human gireklamo sa Purok Chairman sa Purok 4, Lanton, Barangay Apopong ning syudad sa Gensan tungod sa pag panion matud pa niini ug pusil pagpagbahad sa purok chairman.
ngadto kang Police Captain Joseph Letigio Deputy Chief of Police sa Police Station 2, iyang gibutyag nga sa karon, gihikay na nila ang pagpasang-at ug kaso sa maong police ug sa kaubanan niini human nga una nang gibutyag sa reklamante nga andam gyud siyang mo-pasang-at ug kaso.
Nasayran nga sa karon, ang Pulis pabilin sa kustudiya sa Police Station 2 samtang pandayon pang gipangita ang kaubanan niining si Alias Allan.
Gawas sa kasong criminal, gikumpirma ni Police Capt Letigio posible usab nga mag-atubang ug kasong admistratibo si Francisco higayon nga siya kasuhan sa iyang opisyal didto sa Pigcawayan Muncipal Police station.
Kahinumduman nga una nang gireklamo sa buhatan sa Police Station 2 ang pulis human matud pa kining nanion ug pusil dihang igo lang unta kining tabangan sa purok chairman human natumba ang gimanihuan niining motor atubangan mismo sa balay sa reklamante. (Giovanni Pasco)