Dungan nga gipakita sa 17 ka Police Regional Office (PRO) 12 officials ang ilang gi-file nga courtesy resignation.
Gipangunahan mismo ni PBGen. Jimili L. Macaraeg ang pagsumite sa ilang courtesy resignation kauban ang 15 ka mga police colonel ug 2 ka brigadier general.
Ang lakang sa nasangpit nga mga opisyal subay na sa nahimong panawagan ni Department of the Interior and Local Government Secretary Benjamin Abalos Jr. nga moluwat sa puwesto ang tanang mga full-pledged colonel ug generals sa nasudnong pulisya.
Sa pamahayag ni PBGen. Macaraeg, suportado nila ang nahimong panawagan ni Sec. Abalos ilabi na ang tumong niini nga internal cleansing asa mahinungdanon nga dunay maayong integridad ang tibuok PNP.
(Source: PRO-12, photo credits to the owner)