GENERAL SANTOS CITY – PABILING stable ang presyo sa halos tanang agricultural products luyo sa nagkaduol nga Kapaskohan ug Bag-ong tuig. Matud ni Department of Agriculture (DA) 12 John Pascual, gawas sa pipila ka klase sa isda nga diriyot nga misaka ang presyo ang sagad sa klase sa isda ang nagpabilin ang presyo. Wala na usab nila nakitaan og pagsaka ang presyo sa itlog karong bulana, sukad sa pagsaka sa presyo niini nakalabay nga bulan.
Dugang ni Pascual, nakatutok sila karon sa pagpasaka sa produksyon sa mga produktong agrikultura labi na sa pagsaka sa demand tungod sa holiday season. Stable sa karon sa ilang monitoring sa mga dagkong merkado ang presyo sa poultry ug karneng baboy, dugang sa opisyal. (Jun Abelo)