General Santos City – DILI matukib ang gibating kalipay ug pasalamat ngadto sa lokal nga kagamhanan ning dakbayan sa Gensan ilalum sa kasamtangang administrasyon ang ubay-ubay nga mga Traffic Enforces human sila gi-regular sa trabaho bag-ohay lamang.
Sa ilang pagbisita Niadtong , Marso 31, 2025 sa buhatan ni Gensan City Mayor Lorelie Pacquiao gipadayag sa mga Traffic Enforces ang daku nilang kalipay ug daku nga pasalamat nga nahiluna sila sa trabaho.
Kini pa ang labing unang higayon sa kasaysayan sa LGU-Gensan nga gi-regular sa trabaho ang mga Traffic Enforcers nga kanhi ra mga JO-Job Order Contract workers mi-aging mga administrasyon.
Busa gipasalamatan nila pag-ayo ang oportunidad nga nahatagan og igong trabaho nga adunay seguridad ug kompletong benepisyo inubanan sa daku nilang responsibilidad nga mapatunhay ang daloy sa trapiko sa s’yudad. (Rem Agdon)
News&Photos: CMO