34.7 C
Manila
Thursday, March 28, 2024

General Santos: Philippine Coastguard Southern Mindanao gipahugtan ang pagpatrolya sa baybayon ug kadagatan

- Advertisement -

Gipahugtan pa sa Philippine Coastguard Southern Mindanao ang ilang pagpatrolya sa baybayon ug kadagatan nga ilang nasakupan aron mapakgang ug mapugngan ang smuggling sa rehiyon.

Visit RPN DXDX General Santos

Kini may kalabutan sa sunod-sunod nga pagkakumpiska sa mga smuggled nga sigarilyo sa GenSan ug South Cotabato.

Gibutyag ni PCapt. Michell Ursabia ang tigpamaba sa PCG Southern Mindanao, nga sa kasamtangan padayon ang ilang monitoring sa mga baybayon nga posibleng mahimong back door sa mga smugglers.

Dugang pa ni Ursabia nga duna nasilay gina-monitor nga grupo kalabutan sa iligal nga mga aktibidad kini gumikan ang GenSan ang nahimong back door sa mga smuggled goods nga gikan sa Indonesia.

Sumala pa usab niini nga ilang ginabantayan ang mga fish landing areas sa siyudad ug ubang lugar human nga adunay nakakompiskang smuggled cigarettes nagkantindad og kapin dos milyones sulod sa mga styrobox cooler gikan sa usa ka elf truck nga nadisgrasya sa Koronadal City.

Dili pa masulti kung gigamit ba ang ubang mananagat sa pag-transport sa mga smuggled items. Apan gibutyag niini nga gitahasan na ang tanan stations ug sub-station sa ilang area of responsibility aron i-monitor ang lihok sa mga posibleng smugglers nga dunay plano magpasulod ug mga smuggled goods sa ilang nasakopan. (John Rey Somido)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -