Bibo ang nahimong selebrasyon sa ika-59 nga Charter Day sa Dapitan kagahapon.
Gisugdan kini sa Diana libot sa syudad sayo sa buntag, gisundan sa misa pagkahapon una gihimo ang motorkada dayon, hamubong programa diin mihatag sa iyang mensahe si Regional Director Isidro M. Velayo sa Bureau of Fisheries and Aquatic Resources — Regional Office 9.
Sa Charter Day gipahigayon sab sa City Agriculture’s Office ang Bangus Festival diin anaa sa 1.4 tons nga preskong bangus ang gisugba kilid sa kadalanan sa Sunset Boulevard nga gisalohan sa mga empleyado matag-buhatan agi sa boodle fight.
Sumala ni city agriculturist Cyril Patangan, ang festival nagtumong sa paghatag suporta sa mga mangingisda labi ang mga nalambigit sa produksiyon sa isdang bangus.
Ang Dapitan lang sa tibuok Zamboanga Peninsula ang duna’y daghang produksyon sa isdang bangus nga ginabyahe pa sa ubang mga lugar.
(News & photo courtesy of: City Information Division-CID-Dapitan Facebook page)