General Santos City – Gipangunahan ni PBGEN. Jimili L. Macaraeg, Regional Director sa Police Regional Office 12 ang turnover ceremony sa bag-ong mga police equipment ngadto sa Regional Mobile Force Battalion (RMFB) 12 ug tanang City ug Provincial Police Offices atol sa Traditional Monday Flag Raising Ceremony nga gihimo sa Grandstand, PRO 12, Tambler, General Santos City niadtong February 13, 2023.
Ang maong Internal Security Operations (ISO) equipment gilangkubaan sa 410 units sa Basic Assault Rifle (BAR) “GALIL” ug 109 units sa Tactical Vest Level III-A nga adunay 2 ka upgraded level IV Plates.
Gipangunahan usab ni PLTCOL. Rendel V. Cinches, Regional Chaplain ang blessing sa mga bag-ong issued operational equipment.
Segun ni PBGEN. Macaraeg nga swerte ang PRO-12 nga nakadawat ug bag-ong mga himan gikan sa PNP National Headquarters isip kabahin sa nagpadayong pagpaningkamot sa pamunuan sa PNP ug sa national government aron mas mapakusgan pa ang firepower, mobility, ug mapalig-on ang tactical capabilities sa PNP operating units sa padayong pagpatuman sa seguridad sa SOCCSKSARGEN region.
Makatabang usab matud pa ug dako ang maong mga modern equipment sa PRO 12’s internal security operations sa padayong pagmintina sa kahapsay ug kalinaw sa tibuok rehiyon.
(News & photo courtesy of PRO 12 Public Information Office Facebook page)
