General Santos City – Nailhan na ang biktimang una nang nakaplagang patay kaganinang alas 12:00 pasado sa tungang gabii sa Diversion Road, Barangay Apopong, Gensan. Kini ang gikumpirma ni Police Capt. Joseph Letegio, Deputy Chief of Police sa Police Station 2.
Subay matud pa sa ilang imbistigasyon, migula nga ang biktima nailang si Jomar Luyang, Legal age, residente sa Jose Abad Santos, Davao Occidental.
Sumala sa opisyal nga na-trace sa ilang tropa ang pangalan sa biktima pinaagi sa Kumpanya sa motorsiklo niini diin migula ang iyang pangalan. Sa karon sumala pa, ilang ginapaningkamutan nga ma-contact ang pamilya sa biktima sa pamasin nga may impormasyon sila kung may bahad bas a kinabuhi o dunay nakalaban ang biktima ayha kini gipusil patay.
Sa karon, nagpadayon pa ang ilang ginahimong imbistigasyon aron nga masuta unsay motibo ug kung si kinsa ang responsable sa krimen. (Giovanni Pasco)