32.7 C
Manila
Sunday, April 21, 2024

General Santos: Patag Farmers Association nakadawat og harvest facility ug equipment

- Advertisement -
Sarangani Province – Personal nga gi-turn over sa Department of Science and Technology (DOST) Region XII kauban ang buhatan ni Congressman Steve Chiongbian Solon pinaagi sa Community Enhancement thru Science and Technology (CEST) Project ang Post Harvest Facility ug Processing Equipment kauban usab si Acting Municipal Mayor Jean Delos Santos ngadto sa Patag Farmers Association (PATFA).
Mokabat sa kapin P700,000 ang kinatibuk-ang kantidad sa maong mga ekipo nga gilangkuban sa corn sheller, weigh scaler, portasol, rain catcher drum, solar dryer ug impulse sealer nga gipangulohan ni DOST Regional Director Engr. Sammy Malawan, SARGEN-DOST Provincial Director Babai Tagitican ug Chief of Staff for Operation Engr. Gerald Faciol nga gikan sa opisina ni Congressman Solon ang maong turn over ceremony.
Sa mensahe ni Acting Mayor Delos Santos, gipahimangnoan niini ang mga miyembro sa maong asosasyon nga kanunay magkugi alang sa ilang panginabuhian ug sa paglambo sa ilang asosasyon. Gipaabot usab sa Acting Mayor nga ang lokal nga panggamhanan andam motabang kung unsa pa ang mga panginahanglanon aron dugang matabangan ang proyekto nga gihatag kanila.
Sa mensahe usab ni RD Malawan, nagpasalamat kini sa tag-iya sa luna nga si Memoria Lerios aron mabuhat ang solar dryer. Naghandom kini nga molambo pa ang ilang asosasyon gikan sa tabang sa DOST kauban si Congressman Solon ug ang lokal nga panggamhanan sa Malapatan.
Nagpasalamat usab og dako si PATFA President Orland Sogi sa DOST XII ug sa opisina ni Congressman Solon ilabi na sa LGU Malapatan sa kanunay nga suporta aron maglambo pa ang ilahang asosasyon.
Mitambong usab sa maong aktibidad sila Acting Vice Mayor Boyet Ogan, Municipal Councilor ug Committee Chair of Agriculture Norie Suib, Barangay Kagawad Wel Sucal, mga personahe sa opisina ni Congressman Solon ug mga miyembro sa maong PATFA Association.” (Giovanni Pasco)
- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -