Hapit ng ipabarog ang bag o nga grandstand sulod mismo sa Zamboanga del Norte Police Provincial Office Compound nga nahimutang sa Barangay Sicayab ning Dakbayan sa Dipolog.
Human ang gipahigayong ang Ground-Breaking Ceremony sa nahisgutan nga proyekto Pebrero 26, 2024 nga gipanguluhan ni Provincial Administrator Mr.Wilberth “Jojo” Magallanes nga mirepresentar ni Governor Rosalina “Nanay Nene” Jalosjos ug ZNPPO Director, PCol. Glenn M. Dulawan ug Provincial Engineering Office OIC Engr. Rey Eguia ug mga kauban.
Ang nahisgutan nga proyekto nga gitanyag sa Kagamhanang-Probinsyal gihatag ngadto sa ZNPPO gibana-banang mokantidad ug kapin kon kulang 2 milyones ka pesos.
Sigon pa ni Mr.Magallanes, gikahimuot kaayo ni Governor Jalosjos ang paghatag ug suporta sa panginahanglan sa ZNPPO ug uban pang mga buhatan sa kagamhanan nga nagkinahanglan ug suporta gikan sa Kagamhanang-Probinsya “Ang pagkatawo niining proyekto nagpakita lamang sa hugtanong pagtinabangay sa Kagamhanang-Probinsyal ug sa ZNPPO ug uban pang panginahanglan sa uban pang law enforcement agencies dinhi sa probinsya,” matod pa ni PA Magallanes,duna pay laing mga proyekto ang ipatuman sa Kagamhanang-Probinsyal sa ZNPPO. Isip tubag, gipasalig ni ZNPPO Provincial Director Col. Glenn Dulawan nga suportahan sa kamanduan sa ZNPPO ang unsa mang proyekto nga ipatuman sulod sa PNP Provincial Headquarters.
Giila niini ang mobarog nga bag-ong grandstand maoy bunga sa hugtanong kolaborasyon tali sa Kagamhanang-Probinsyal ug sa PNP tungod kay kini ang bunga sa malinawon ug malambuong lalawigan.
Si Provincial Engr. Rey Eguia, sa iyang bahin nagkanayon nga humanon ang nasangpit nga proyekto sa gitakdang panahon.
Dungan niini, gihangyo niini ang mga kabataan nga nagpuyo sa sulod ug palibot sa kampo, pahimangnoan niini ang ilang mga anak nga dili magpaduol sa dunay mga nagtrabaho aron malikayan ang unsa mang disgrasya.
Gihangyo usab ni Engr. Eguia si Col. Dulawan nga magpahigayon ug orientation sa mga magtrabaho sa maong proyekto aron ila usab nga mahibaw-an ang angay ug dili angay buhaton sulod sa kampo sa durasyon sa konstruksyon sa maong proyekto
Sa pormal nga pagsira sa ground-breaking ceremony, subling gipasalamatan ni Police Lt. Col. Roselily Baguio, Deputy Director for Operations, si Governor Jalosjos isip usa ka matuod nga inahan ning lalawigan nga sa kanunay naminaw sa ilang panginahanglan. (Angelica T. Obina)
(Source: Provincial Information Center ZaNorte)