Sarangani Province – Pasado na sa Committee on Education sa Kamara de Representantes ang laraw pagmugna sa SARANGANI STATE COLLEGE ug pagbutang og pundo niini ilalum sa House Bill No. 6566 nga giduso ni Sarangani Lone District Congressman STEVE CHIONGBIAN SOLON.
Kini human malig-on nga nadepensahan ni Cong. Solon atol sa deliberasyon ug pagtuki sa maong Komitiba ug nakombinsi niini ang Commission on Higher Education (CHED) nga kinahanglan gayud matukoran og kaugalingong tulunghaan pang-Kolehiyo ang Kagamhanang Probinsiyal sa Sarangani ug tukoron kini sa lungsod sa Alabel.
Gikabutyag nga tukoron ang SARANGANI STATE COLLEGE sa luna o yuta nga gipanag-iyahan sa Provincial Government ug gikasabotan na nila Cong. Solon ug Senador Sonny Angara- Chairman, Senate Committee on Finance ang igahin nga pundo niini.
Ang naasoy nga katikaran, tima-ilhan lamang kini nga hapit na makab-ot ang damgo o handum sa mga kabatan-onang Sarangan.
Kahibalo-an, nga daghang mga gradwado sa high school sa Sarangani Province ang nangandoy nga makatungha ug makagradwar sa Kolehiyo.
Tungod niini, gipasalamatan ni Cong. Solon ang liderato sa Committee on Education sa Kamara de Representantes sa pagpanguna ni Cong. Mark Go sa pagpasar sa House Bill 6566. (Noel Abelo Jr.)