General Santos: Pagtaas sa krimen dungan sa paglambo sa syudad, GSCPO

0
0

General Santos City – Dungan sa paglambo sa usa ka syudad mao ang pagtaas sa kriminalidad mao kanin ang gi-angkon ni Police Col. Jomar Alexis Yap, Acting City Director sa General Santos City Police Office.

Apan gibutyag niini nga sila sa kapulisan ang nagahimo ug pamaagi aron makunhuran ang unsa mang matang sa krimen sa ilang AOR.

Pagpaklaro niya nga dili lang trabaho sa kapulisan ang pagbantay sa siguridad kun dili kini responsibilidad sa tanan.

Usa matud pa sa ilahang ginahimo mao ang crime forecast, pinaagi niini masuta nila kung unsa ang mga posibleng krimen nga mahitabo sama nalang karon umaabot ang pasko kung asa dili gyud malikayan ang kawat, pagpanglabni ug uban pa, rason nga masayud na silang daan kung asa nila ipangbutang ang ilahang mga personahe.

Dugang pamahayag ni Police Col. Yap nga adunay managlahing krimen ang nagakahitabo sa matag barangay tungod niini, managlahi usab nga intervention ang kinahanglang himuon.

Gawas matud pa sa mga tabang gikan sa mga barangay o sa LGU, gikinahanglan usab nila ang tabang sa mga stakeholders pinaagi sa kooperasyon.

Dako usab ang mamahimong tabang sa mga CCTV cameras hilabina sa mga pampublikong lugar gumikan makahatag kini ug kahadlok sa mga kriminal nga maghimo ug dautan.

(Source: GSCPO)

LEAVE A REPLY

Please enter your comment!
Please enter your name here