Maasim Sarangani Province – Gipasabot ni Mr. Cirilo Lagnason Jr. sa Department of Environment and Natural Resources- Sarangani Office nga normal lamang nga panghitabo ang pagdagsa sa lupoy kon tamban sa kabaybayunan nga bahin sa Maasim Sarangani Province kagahapon sa buntag.
Sumala pa niini nga tungod sa UPWELLING nga ginatawag, hinungdan nga midagsa ang maong mga isda.
Pagpasabot niini nga tungod sa upwelling, ang hangin nga mubuga sa kabaybayunan, nga anaa sa ibabaw nga bahin sa dagat nga adunay nutrients ang malabay sa layo hinungdan nga mopaibabaw ang nutrients gikan sa ubos hinungdan nga gukdon sa gagmayng isda, ug tungod sa hunas hinungdan nga modagsa na kini sa daplin sa dagat.
Dugang pa ni LAgnason, nga dili lamang sa Sarangani nahitabo ang maong mga panghitabo ug nahitabo man usab kini sa ubang lugar sa Visayas, ug Mindanao.
Sagad matud pa ang phyto plankton nga sagad ginakaon sa isda nga gagmay ang mopataas ug maoy gukdon sa mga isda isip nutrients.
Samtang, wala matud pa koneksyon ang maong panghitabo sa mga mahitabo nga katalagman sa unahan.
Dugang pa ni Lagnason nga kini walaý angayang kabalak-an sukwahe sa mga pagtoo sa uban nga kini adunay dala nga signos sama sa linog nga umaabot.
Normal ra matud pa kini nga mga panghitabo sa kadagatan. (Jun Abelo)
Ctto: Mark Achieval Tagum