General Santos City – Suportado ni GenSan Mayor Lorelie Pacquiao ang pagbalik sa mga biyahe sa barko sa dakbayan.
Matud sa Mayor nga ilhanan sa kalambu-an ug paglig-on sa ekonomiya sa syudad ang pagbalik sa mga biyahe sa depasaheruan nga barko.
Matud sa Mayor nga ang iyang administrasyon nagpabilin nga abli sa pagsulod sa mga negosyo sa syudad aron maghatag ug daghang trabaho.
Sumala pa nga gikalipay sa syudad ang pagsalig sa mga kompanya sa barko sa pagbalik sa ilang mga biyahe nga dakong tabang sa mga trabahante sa pantalan sa Makar tungod ablihan niini ang daghang trabaho ug oportunidad para sa mga residente sa syudad.
Gikadugang sa Mayor ang biyahe nga Gensan-Iloilo-Manila ang usa ka major gateway sa Soccsksargen region. (Jun Abelo)Â