Tupi, South Cotabato – Balhog karon sa prisohan ang duha ka mga lalaki human nakuhaan og dili lisensyado’ng armas ug balor P108,000 nga gituohang shabu sa gipahigayong buy-bust operation sa Purok 14, Brgy. Poblacion, Tupi, South Cotabato.
Giila ang mga dinakpan nga si alyas “Noy”, 41-anyos, negosyante, residente sa Barangay Sta. Cruz, Koronadal City, ug alyas “Darwin”, 56-anyos, fish vendor ug residente sa Barangay Bunao, Tupi, South Cotabato.
Subay sa report sa kapulisan ang maong operayon gipangunahan sa Tupi Municipal Police Station kaabag ang joint operation.
Sa operasyon sa mga otoridad nasakmit gikan kanila ang usa ka kalibre 38 nga armas ug unom ka bala.
Nakuha usab gikan sa duha ang upat ka putos sa gituhoang shabu nga gibana-banang motimbang 16 gramos, buy-bust money ug uban pang mga non drug item.
Ginahinakay na karon ang kasong paglapas sa Republic Act 10591 o Comprehensive Firearms and Ammunition Regulation Act ug Comprehensive Dangerous Drugs Act of 2002. (Jun Abelo)