General Santos City – Aduna matud pa’y takdang mosulod nga P50 bilyong kandidad sa “Business Investment” nganhi sa General Santos City ug Sarangani Province sa dili madugay. Kini ang resulta sa panagpulong tali nila Gensan City Mayor Lorelie Pacquiao, Presidential Adviser for Economic Affairs Secretary Frederick Go, Chairman Li Pan Hua sa China Steel Company, Alsons Group (Anton Alcantara ug Nicasio Alcantara) ug MMDA Assistant Secretary David Vargas nga gihimo sa panimalay ni kanhi Senador Manny Pacquiao, Oktubre 4, 2023.
Gika-ingong sila ang mga negosyante nga pulos gadumala og dagkung mga kompaniya sa nasud Pilipinas ug China nga takdang mobubo og bilyon-bilyong puhonan sa negosyo sa Gensan ug Sarangani Province nga maoy magdala og dugang dagkung kalambo-an sa dakbayan. Tungod niini, daku kaayo’g pasalamat si Mayor Pacquiao kang kanhi Senador Manny nga mao matud pa’y nahimong tulay nga maka-atubang niini ang mga dagkung negosyante nga galaraw mobubo og bilyon-bilyong kapital sa negosyo nganhi Gensan, ingon man sa dagkung mga opisyal sa gobyerno. REY G.OMBAÑA
Photos: STTP