General Santos City – Ang malampusong drug entrapment operation sa PRO 12 niresulta sa pagkasakmit sa Php259,760.00 nga kantidad sa gituohang shabu ug pagkasikop sa usa ka High Value Individual (HVI) sa Prk. Masigasig, Brgy. Tambler, General Santos City bag-ohay pa lamang.
Ang mga sakop sa Police Station 5 kauban ang CMFC ug CPDEU GSCPO nihimo sa maong buy-bust operation nga misangpot sa pagkasikop ni alyas “Jun”, 43 anyos, mekaniko ug residente sa Barangay Calumpang, General Santos City.
Nakuha gikan sa iyang possession ang 15 ka rectangular shape heat sealed transparent plastic sachets nga adunay sulod nga white crystalline substance sa gituhoang shabu nga motimbang og 38 gramos.
Anaa na karon sa kustodiya sa maong police station ang mga nakuhang ebidensiya sa drugas alang sa tukmang disposasyon ug dugang dokumentasyon.