Cagayan de Oro – Pangunahan ni Cagayan de Oro City Mayor Rolando ‘Klarex’ Uy ang mga opisyal sa dakbayan sa pag-abi-abi sa Martes (Sept. 3) nga paglusad sa Tri-City Special Justice Zone sa usa sa mga resort sa dakbayan.
Namulong sa ngalan ni Mayor Klarex, si City Administrator Roy Hilario Raagas miingon nga ang special justice zone nga mosakop sa Cagayan de Oro City, Iligan City ug Ozamiz City magtutok sa kampanya batok sa online sexual abuse ug exploitation sa mga bata.
Lakip sa motambong sa launching mao sila si Chief Justice Alexander Gesmundo, Interior and Local Governments Secretary Benhur Abalos ug Justice Secretary Jesus Crispin Remulla, matod ni Raagas.