Kiamba, Sarangani Province – Niadtong Nobyembre 4, 2024 sa alas 8:36 sa gabii, ang mga personahe sa Kiamba Municipal Police Station uban sa ubang mga unit, samtang nagpahigayon og checkpoint operation sa Barangay Katubao, Kiamba, Sarangani Province nag-flag down og usa (1) ka sakyanan nga miresulta sa pagkasikop sa suspek ( driver) nga giilang si alyas “Marl”, 28 anyos, lalaki, minyo ug residente sa Barangay Ned, Lake Sebu, South Cotabato.
Sa inisyal nga imbestigasyon nasayran nga samtang nagpahigayon og checkpoint sa nasangpit nga lugar, na-flag down sa mga magbabalaod ang usa (1) ka unit nga Mitsubishi Expander Cross, kolor Titanium Grey Metallic nga adunay Plate Number nga gitabonan sa Black Cellophane.
Nabantayan nga wala mahimutang ang suspek ug dihang gipasiga sa mga polis ang sakyanan gamit ang flash light, nakita sa plain view ang mga kahon sa gituohang smuggled nga sigarilyo. Sa dihang gihangyo nga mopresentar og mga dokumento aron pamatud-an ang legalidad sa pagpanag-iya niini, ang suspek napakyas sa pagpresentar niini.
Ang suspek gidakop tungod sa paglapas sa RA 10863 “Customs Modernization and Tariff Act”. Narekober nga mga ebidensiya mao ang Lima ka gatos nuenta’y siyam (599) ka ream sa nagkalain-laing sigarilyo nga gibanabana nga mobalor sa kapin o kulang dos ka gatus ug katloan ug siyam ka libo ka pesos.
Nasakmit ang mga smuggled nga sigarilyo ug ang dinakpan gidala sa Kiamba MPS alang sa dokumentasyon ug tukmang disposasyon. (Rem Agdon)
(Source: SPPO)