General Santos City – Usa ka collaborative anti-drug operation ang gihimo ug gipangulohan sa mga personahe sa Tupi Municipal Police Station, kaabag ang Provincial Intelligence Unit, Provincial Drug Enforcement Unit sa South Cotabato Police Provincial Office, Regional Intelligence Division 12, 1205th Maneuver Company sa Regional Mobile Force Battalio 12, ug PDEA 12.
Ang Special Enforcement Team niresulta sa pagkasikop sa tulo ka mga tawo nga gidudahang nalambigit sa illegal nga drugas. Nahitabo ang buy-bust operation mga alas 9:35 sa gabii, Oktubre 18, 2024, sa Purok 3, Barangay Poblacion, Tupi, South Cotabato.
Ang nasikop atol sa operasyon mao sila si alyas “Totong” (SLI), 54 anyos, ulitawo, walay trabaho, ug residente sa Purok 3, Brgy. Poblacion, Tupi, South Cotabato, alyas “Roy” (SLI), 48 anyos, minyo, delivery boy, ug residente sa Purok Sto. Niño, Brgy. Saravia, Koronadal City, ug alyas “Herman” (SLI), 37 anyos, minyo, tricycle driver, ug residente sa Sitio Angeles, Brgy. Saravia, Koronadal City.
Atol sa operasyon, nasakmit sa mga tinugyanan sa balaod ang upat ka mga heat-sealed transparent plastic sachet nga adunay sulod nga gidudahang shabu, nga adunay kinatibuk-ang gibanabana nga kantidad nga ₱102,000, base sa Standard Presyo sa Gamot ug Usa ka piraso sa One Thousand-Peso bill nga adunay serial number nga UP984668 gigamit isip buy-bust nga kwarta.
Nakuha gikan sa possession ni alyas “Totong” ang usa ka homemade single-shot short firearm nga walay serial number ug lima ka buhing kalibre 5.56 nga bala.
Ang imbentaryo sa mga nakumpiska nga ebidensiya gihimo atubangan sa mga dinakpan nga mga suspek ug gisaksihan sa representante sa media, ug Barangay Kagawad nga taga Brgy. Poblacion, Tupi, South Cotabato.
Ang mga suspek ug ang tanang nakumpiska nga mga butang gidala na sa Tupi MPS alang sa tukmang dokumentasyon ug disposisyon.