General Santos City – Alayon sa mas gipakusgang kampanya sa Police Regional Office 12 batok mga kriminal, dakpan sa gihimong joint operation sa kapulisan pinasikad sa warrant of arrest ang usa ka Emerson Gagni Sunga alias “Emer” sa bahin sa Sitio Pitak, Barangay Daan Suyan, Malapatan, Sarangani Province niadtong January 31, 2023.
Gihimo ang operasyon sa operatiba sa Criminal Investigation and Detection Group (CIDG) 12-Provincial Forensic Unit (PFU) Sarangani, kaabag ang 1201st Maneuver Company ug Technical Support Company sa Regional Mobile Force Battalion (RMFB) 12, Sarangani Provincial Intelligence Team (PIT), Regional Intelligence Unit (RIU) 12, Regional Intelligence Division (RID) 12, Alabel ug Malapatan Municipal Police Station; Provincial Intelligence Unit (PIU); Provincial Drug Enforcement Unit (PDEU); ug 1st Company Provincial Mobile Force Company, sa Sarangani Police Provincial Office (SPPO) diin malampuson nga nasikop si Sunga tungod sa kasong Murder nga may Criminal Case number 4269-12, nga gi-issue sa Regional Trial Court 11th branch, Judicial Region Branch 38 sa Alabel, Sarangani.
Atol sa operasyon, narecover sa posisyon sa susppek (1) ka unit sa Armscor air rifle, (1) ka unit sa caliber .38 revolver ug (5) ka rounds sa ammunitions; (1) ka unit sa caliber .45 pistol (Homemade Colt Government Model) ug (15) ka rounds live ammunitions, (1) ka magazine assemble ten rounds (Power 10 Mc Cormick), (1) ka magazine assemble seven rounds, (1) ka unit sa color black handheld radio Color ug (1) usa ka unit sa broken/damage green ug black binocular.
Ang dinakpan ang pabilin karon sa kustudiya sa CIDG-Sarangani PFU office.
(Source: PRO 12 Public Information Office Facebook page)