General Santos City – Padayon pang gitun-an sa kapulisan sa siyudad sa Heneral Santos ang pagpamusil na usab alas 2:45 sa kaadlawon ,Martes June 6, 2023 sa Highway Purok Acharon, Barangay Labangal,ning siyudad.
Ang biktima giila sa pangalang Jonathan Oman, 24anyos olitawo ug nanimoyo sa Lote, Barangay Calumpang, General Santos City. Sa inisyal nga imbestigasyon sa Station ang biktima sakay sa iyang gimanihong motorsiklo kauban ang hinigugma niini nga si Jenny Dablo Tomenio gabaybay sa Makar road padulong City proper gisundan kini sa wala mailhing mga suspik sakay usab ug motorsiklo diin paghidangat sa Purok Acharon, Barangay Labangal, gipusil sa makatulo ka higayon.
Tulo ka mga samad pinusilan sa nagkadaiyang parte sa lawas ang naangkon sa biktima hinungdan sa hinanaling kamatayon niini. Narekober sa nahitaboan sa krimen sa SOCO team sa pagpanguna ni Police Lieutenant Colonel Mary Grace P.Alvarez ang duha ka baseyo sa gituohang kalibre 45 nga pistola samtang ang patayng lawas sa biktima gipahimutang na sa Arriane Funeral home Makar Highway, Barangy Labangal General Santos City.(Rey G. Ombaña).