Cebu: Usa ang nakalas ug lima ang naangol sa disgrasya sa kadalanan didto sa dakbayan sa Danao

0
9

Nikalas og usa ka kinabuhi ug niangol og lima ka mga tawo human nadasmagan ang trisikad sa usa ka SUV.

Ang aksidenti nahitabo pasado alas 4:30 sa niaging kadlawon, Hunyo 7, 2023, didto sa National Road, Barangay Poblacion, siyudad sa Danao.

Ang namatay giila sa Danao City Police Station na mao si Maria Evelyn Almacin, 7O anyos ang panuigon, residenti sa Brgy. Poblacion, sa mao ra nga dakbayan.

Wala na kini kinabuhi nga niabot sa tambalanan human sa grabing bun-og sa ulo.

Giila usab ang mga nangaangol nga mao silang Availlo Apestar, 56 anyos ang panuigon, Sophia Stilla Amancio, 1 ka tuig, Riza Amancio, 42 anyos, Avegail Almacin, 13 anyos ug Bryle Amancio, 13 anyos ang pangidaron, puros sila nagpuyo sa Brgy. Poblacion sa siyudad sa Danao.

Ang suspetsado na driver sa Ford Raptor mao si Ma. Anthoinette Socorro Tabotabo Alcantara, hingkod ang panuigon.

Sa imbestigasyon sa kapulisan nasayran nga samtang nag dagan ang trisikad sa naasoy na lugar na adunay mga masakay na pasahero na dasmagan kini sa SUV na ni resulta sa pagkalagpot nila.

Sa pagkakaron padayong gihimo ang panagsabot-sabot sa duha ka mga habig.

Ang mga naangol usab giatiman pa sa tambalanan para masusi ang kahimtang sa ilang panglawas human kini naka angkon usab og kadaot sa maong disgrasya.

Hinuon nipasalig ang suspetsado na muabaga sa tanang galastu-an sa hospital og mubayad sa tagtungod sa namatay.


(Renante Lada, photo credits to the owner)

Leave a Reply