Antipas, Cotabato – Sikop ang Top 6 Most wanted person Provincial level dungan sa gihimong manhunt operation nga gikasa sa kapulisan nga sakop sa Antipas Municipal Police Station sa bahin sa Brgy. Magsaysay, Antipas, Cotabato.
Giila ang naarestong suspect nga si alyas “Dik” 49 years old usa ka mag-uuma ug residente sa Brgy. Poblacion, Antipas, Cotabato.
Nasayran nga nasikop sa Antipas MPS ang maong wanted nga suspect human nga natumbok ang gitaguan niini.
Nasikop si Alyas Dik subay sa gahum sa duha ka warrant of arrest tungod sa kasong STATUTORY RAPE ug RAPE THROUGH SEXUAL ASSAULT nga gi-isue sa RTC Branch 61 sa Kidapawan City.
Ang Naarestong suspek gilayon usab nga gidala sa buhatan sa Antipas MPS ug kasamtangan karon nga balhog sa custodial facility sa maong presento samtang ginahuwat ang commitment order niini gikan sa korte. (Rey Ombana)