Gipasalamatan ug gidayig ni Sarangani Governor Steve Chiongbian Solon kauban si Provincial Tourism Council Chairperson First Lady Ms. Michelle Lopez Solon ang mga kabataang Sarangan nga nihakot og award sa bag-uhay lang nahuman nga usa ka semana nga selebrasyon sa Region 12 Development Council, partikularminte sa kompetisyon nga tourism vlogging.
Pinasahi ang talento sa maong mga kabataang Sarangan, hinungdan nga nag-kampyon ug nag-1st runner up ang Provincial Government sa Sarangani sa tibuok Rehiyon Dose, naka-angkon pa sila og cash prize.
Gikan sa video hosting, video gathering ug final editing, nagmadaugon ang duha (2) ka entry nila vlogger Rhoda May Ebad ug Xaña Angel Eve Apolinar. Kauban ang mga writer nga sila John Mark Polistico, French Bandong ug Jomar Allanic. Samtang ang mga videographer ug editor/director mao sila Vinz Abcde Betonio ug Paul David Arzaga.
Kini nga mga kabataan ang mga achiever sa tagsa-tagsa nila nga mga field ug nagpadayon sa ilang pagtungha sa high school ug kolehiyo. Ang uban kanila mga presidente sa SSG kon supreme student government, samtang si Betonio ang una nang gideklara sa DepEd nga maoy Brigada Eskwela national jingle composer champion. Silang tanan ang padayong gi-atiman sa Sulong Kabataan program ni Governor Solon.
(Source: Provincial Information Office – Sarangani)