General Santos City – Posibleng dili ma-swelduhan ang mga JO nga illigal nga na hire. Mao kini ang nahimong pamahayag ni Atty. Jeng Gacal may kalabutan sa mitumaw karun nga hisgutanan sa SP nga adunay mga JO nga wala na swelduhan gumikan iligal sila nga go hire.
Base sa balaod, ang lokal chief executive nga buot ipasabot Mayor o Gobernador lamang ang adunay mga katungod nga maoy mopirma sa mga kontrata sa JOs.
Sa bahin sa maong hisgutanan, nasayran nga ang bise-mayor maoy mipirma sa kontrata sa mga JOs nga matud pa posible nga dili mahatagan ug pondo sa LGU gumikan null and void man kini.
Sa pikas bahin, sa dihang gipangutana usab si Atty. Jeng kung unsa ba ang posisyon niini sa LGU, tubag niini nga adviser lamang siya sa Mayora gumikan nalatid usab sa balaod nga dili pwede nga mohupot ug pangatungdanan sa gobyerno ang napildi nga politiko.
Sa pagka karun, ginapaabot usab ang tubag sa SP partikular ang bise-mayor mag kalabutan sa maong isyu.
(Source: LGU GenSan)