General Santos: Mga itlog sa pawikan nakaplagan sa Cablalan, Glan, samtang sawa (reticulated phyton) gi – turn-over

Glan, Sarangani Province – Gatusan ka mga itlog sa Pawikan ang nakaplagan sa baybay nga bahin sa Barangay Cablalan, Glan Sarangani Province.

Visit RPN DXDX General Santos

Pinaagi sa report nga nakaabot sa buhatan sa Sarangani Maritime Police Station, dali nga gi-adtuan nilang Pat Jhonly U Sevilla, ug Pat Marlo G Ugaddan ang maong lugar.

Didto nasuta ang tulo ka mga lugar kon diin anaa ang mga itlog sa sea turtle.

Mokabat sa 330 ka mga itlog sa pawikan ang nakit – an.

Anaa na sa kustudiya sa Bantay Dagat sa maong Barangay ang mga itlog ug gi-ampingan hangtud sa maka itlog.

Sa pikas bahin, usa ka Reticulated Phyton kon sawa ang gi-turn over sa buhatan sa Marpsta Sarangani sa buhatan sa DENR – CENRO samtang usa pa ka Halas ang wala nailhan nga anaa usab sa kustudiya sa maong buhatan.

(Source: DENR-CENRO)