General Santos: Maximum deployment sa mga personahe sa PRO 12. Ipatuman dungan sa semana santa

0
117

General Santos City – Parte sa oplan ligtas sumvac kon summer vacation ang pagbantay sa siguridad sa semana santa. Kini ang gibutyag ni police lt. Col. Joyce birrey, tigpamaba sa police regional office 12.

Visit RPN DXDX General Santos

Saysay niini nga subay sa direktiba ni police brig. General alexander tagum, regional director sa pro 12 nga maximum deployment ang ipahigayon  hilabina sa mga areas of convergence sama sa simbahan, mall  ug beach resort ug uban pa.

Sa mga lugar matud pa nga adunay deployment, adunay health desk nga ibutang aron paspas nga makarespondi kung adunay mga emergency.

Dugang pamahayag ni lt. Col. Birrey nga nagsugpod na ang deployment sa ilahang mga personahe milabay’ng dominggo ngadto sa mga simbahan dungan sa bendita sa lukay.

Gawas sa deployment para sa semana santa, pabilin gihapon ang COMELEC checkpoint nga ginabantay sa kapulisan ug militar.

Pagpaklaro niini nga nagpabuling anaa sa full alert status ang police regional office 12.

Kalabot niini, gibutyag ni Lt. Col. Birrey nga aduna usab aktibidad ang Police Regional Office 12 dungan sa semana santa hilabina para sa mga pulis nga kristiyano.

Aduna matud pay misa sa mga simbahan sakop sa PRO 12, GSCPO ug uban pang mga simbahan sa mga city ug provincial headqaurters alang sa pag-obserba sa semana santa.

Highlight matud pa sa tiunuid nga obserbasyon mao ang pagahimuon ga krusada nga magsugod sa GenSan Airport padulong sa Police Regional Office 12.

(Source: PRO 12)

Leave a Reply