General Santos: Malakanyang muhatag og traynta milyones ka pesos (P30M) para sa padayong covid-19 responses and recovery program sa LGU Sarangani

0
157

Mapasalamaton karon ang opisina ni Governor Steve Chiongbian Solon nga ni-aksyon dayon ang Office of the President sa hangyo nga mugahin og pondo para sa nagpadayon nga COVID-19 responses ug recovery program sa probinsya sa Sarangani. Sa paglihok ni Senador Bong Go nga maoy chairman sa Senate Committee on Health, nigahin og Traynta Milyones ka pesos (P30M) si Pangulong Rodrigo Duterte alang sa maong katuyuan.

Visit RPN DXDX General Santos

Adlaw nga Martes, Abril 26, atol sa sesyon, gitagaan dayon og pagtugot si Governor Solon sa Sangguniang Panlalawigan aron pirmahan ang kasabutan tali kaniya ug ni Presidente Duterte pinaagi sa sinaligan sa Malakanyang nga si Executive Secretary Atty. Salvador Medialdea. Si Board Member Irish Arnado, chairperson sa SP Committee on Health, ang nagduso sa resolusyon nga walay handum kundili ang padayong proteksyon sa Sarangani Province sa hulga ug pagpanakod sa makamatay nga COVID-19.

Walay laing kondisyon gimando si Presidente Duterte kundili ayuhon kini sa paggasto subay sa mga patakaran sa COA o Commission on Audit. Kugihan sa paghagdaw og minilyong pondo si Governor Solon isip kabahin sa iyang trabaho pagka-hepe ehekutibo maong wala usab kini mapakyas sa iyang mga tinguha nga tabangan ang mga taga-Sarangani hilabi na sa nagpadayon nga pandemya, sa pag-ayuda pud ni Senador ug Presidential Aspirant Manny Pacquiao. Trabaho man usab sa sanggunian sa pagdumala ni Vice Governor Elmer De Peralta kuyog ang mga board member nga suportahan ang tanang kalihukan sa gobernador pinaagi sa pagpasa sa mga resolusyon ug ordinansa. Rason nga kung mahimo dili masagulan ang usa ka grupo sa mga dili kaanib.

Ang kasamok sa ehekutibo ug sanggunian ang nasaksihan na sa ubang mga lugar kung diin ang pildi ug lugi sa ilang panaglalis mao ang mga residente nga gapaabot sa serbisyo sa LGU. Sa Sarangani, wala gipugngan ang mga pangutana isip kabahin sa demokrasyang pagpangalagad apan ginasiguro nila Governor Solon ug Vice Governor De Peralta nga ang maka-benipisyo mao gayud ang katawhang Sarangani.

Halos present ang mga myembro sa Sangguniang Panlalawigan nga ni-aproba sa resolusyon nihatag og pagtugot kang Governor Solon nga pirmahan ang maong Memorandum of Agreement tali kang Presidente Duterte alang sa Traynta Milyones ka pesos (₱ 30M).

Anaa sa sesyon sila Board Member Odoy Jamora, Board Member Balot Martinez-Sayo ug Board Member Jess Bascuña nga puros magpa-reelect sa Maasim, Kiamba ug Maitum. Anaa pud sila Board Member Arnado, Board Member Dr. Ruiz, Board Member Azon Grafilo, Board Member Joseph Calanao ug Board Member Tata Galzote nga magpa-reelect tanan sa Alabel, Malapatan, Glan ug Malungon. Anaa usab sila IPMR Board Member Ben Donato, Liga sa mga Kapitan Board Member Umbra Pangolima ug PCL Board Member James Yap nga mudagan pagka-bise mayor sa Glan.

Magpapili pagka-kongresista si last-termer Governor Solon. Si Congressman Ruel Pacquiao ang mupuli mudagan pagka-gobernador. Si Vice Governor De Peralta ang magpa-reelect sa iyang kasamtangang posisyon.

Ang mga kalambuan sa Sarangani Province ang suportado sa magpapili pagka-board member sa MaKiMa area ang konsehal sa Maitum nga si Arnold Abequibel, ug sa kanhing konsehal ug SK sa Malapatan para sa 2nd District nga si Gwynn Singcoy.

(Source: PIO-Sarangani)

Leave a Reply