General Santos City – Nagsugod niadtong Marso 6 nga mulungtad hangtud sa Marso 11. Kini dili suportado sa sektor sa transportasyon sa Gensan ang naunang deklarasyon sa tigil-pasada sa managlahing grupo sa kauluhang Maynila.
Sumala kang Atty. Rowi Malayag, labaw sa Public Safety Office Gensan nga nauna na nga
nagpagawas ug manifesto ang transport sector sa Gensan nga magpadayon ang ilahang serbisyo sa syudad rason nga walay angayang kabalak-an ang riding public.
Subay matud pa sa naunang manifesto, suportado nila ang modernization program sa gobyerno kung asa katungod matud pa nila nga dili musalmot sa maong lihok-protesta, apan katungod usab sa grupo sa transportasyon sa pagpagawas sa ilahang mga yango-ngo sa modernization program sa gobyerno pinaagi sa usa ka semana nga tigil-pasada.
Dugang pagbutyag ni Atty. Malayag nga sa milabay’ng bulan adunay duha ka
kooperatiba ang nahatagan na ug ayuda sa gobyerno. Samtang uban matud pa ang nag-proseso pa sa ilahang mga dokumento. Saysay pa niini nga cooperative ang sektor sa transportasyon sa Gensan hilabina ang sektor sa e-jeep kung asa ang mas ginahatagan matud pa ug pagtagad mao ang problema sa mga tricycle.(Fred Degala)