Genela Santos City: Ang hiniusang operasyon sa pagpatuman sa balaod misangpot sa pagkasikop sa usa ka regional-level Most Wanted Person niadtong Abril 8, 2025, mga alas 4:00 sa hapon sa Barangay Sarayan, President Roxas, Cotabato. Giila ang dinakpan nga si alyas βRobβ, 34 anyos, minyo, ug mag-uuma nga nagpuyo sa Purok 7, Brgy. Sarayan, President Roxas, Cotabato. Si alyas “Rob” gi-tag isip Top 9 Most Wanted Person sa Regional Level. Ang malampusong operasyon gihimo sa mga personahe gikan sa President Roxas Municipal Police Station, Cotabato Police Provincial Office, ang Criminal Investigation and Detection Group North Cotabato isip lead unit, ang 1203rd Maneuver Company sa Regional Mobile Force Battalion 12, ang Highway Patrol Team, ug ang Regional Intelligence Division 12 Tracker Team Echo. Si alyas βRobβ, gidakop pinaagi sa warrant of arrest tungod sa Paglapas sa Republic Act 9516 (Illegal Possession of Explosives), nga walay piyansa nga girekomendar, ug sa Paglapas sa Section 32 sa Republic Act 10591 (Comprehensive Firearms and Ammunition Regulation Act), nga adunay piyansa nga girekomendar sa Php0.000.00. Ang mga warrant giisyu sa Regional Trial Court, Branch 61, 12th Judicial Region, Kidapawan City, pinetsahan Abril 3, 2025. Ang suspek gidala sa CIDG North Cotabato Office alang sa tukmang dokumentasyon ug disposisyon.