- Advertisement -
General Santos City – Dead on the spot ang mag amahan human kining gipangpusil sa wala mailhing suspetsado alas 6:00 ang takna sa buntag Desyembre 8, 2023 sa area sa Prk.9, Arizala Paradise, Brgy. Mabuhay, ning syudad sa GenSan.
Naila ang mga biktima nga silang Jhonnel Dela Merced alyas Nelnel, 28 anyos , meat shop helper ug amahan niini nga si Rafael Dela Merced alyas Paeng ,51 anyos pulos residente sa Prk. 4 Brgy Katangawan, ning dakbayan.
Sumala pa base sa inisyal nga imbestigasyon sa kapulisan, samtang sakay matud pa ang mga biktima sa ilang gisakyang motorsiklo nga xtz kolor blue, kalit lamang matud pa silang gipamusil sa wala mailhing suspetsado.
Nakaangkon ug limaka samad pinusilan sa nawong ang amahan nga si Paeng samtang duha usan ka samad pinusilan sa nawong ang naangkon ni alyas Nel2 nga maoy hinungdan sa kamatayon.
Samtang sa paghiling sa kapulisan sa pataynglawas sa amahan, aduna kini samad pinusilan sa ibabaw sa iyang kinatawo.
Sumala pa sa anak nga babaye sa biktimanga nainvolve matud pa ang amahan niini sa away sa yuta sa area sa Brgy. Sinawal miaging Nobyembre 25, 2023 ug napusilan usab kini.
Sa karon usa sa motibo nga gitan aw sa kapulisan ang land conflict, hinungdan nga nakig alayon na ang kapulisan sa Mabuhay police station ngadto na sa Makar Pnp aron masuta ang background sa mga biktima kung tinuod ba nga naa kini nakalaban kabahin sa yuta sa AOR sa Police statio 2 , Makar police station.
Sa karon usab anaa na lokal nga purenarya ning syudad ang pataynglawas sa mag-amahan samtang padayon pa usab nga giila sa kapulisan ang mga supetsado. (Rey Ombana)
- Advertisement -
