General Santos City – Laing hugna na sab sa programang “Lingap Galing sa Puso para sa mga Moro” ang gipatigayon kagahapon sa buntag (Mayo 3, 2024) sa Brgy. Tinagacan, ning dakbayan sa GenSan.
Mismo gayud sila Gensan City Mayor Lorelie Pacquiao ug Gensan Liga ng mga Barangay (LNB) President Bobby Pacquiao ang nanguna sa maong aktibidad, alang sa katawhang Moro sa nasampit nga Barangay.
Sa maong okasyon, nang-apod-apod ang magti-ayong Pacquiao og mga bugas ingon man mga relief packages alang sa mga lomulopyong Muslim sa maong Barangay ug nang-apod-apod usab og mga school supplies sa mga kabataang estudiyante.
Gawas sa gihatag nga mga ayuda, dala sab sa LINGAP GALING SA PUSO ang lain-laing mga serbisyo publiko gikan sa City Hall particular sa City Health Office, Local Civil Registrar, City Agriculturist’s Office, City Veterinarian’s Office, City Mayor’s Office, ug City Administrator’s Office.
Kini nga programa, kaugalingon matud pang inisyatiba ni Mayor Pacquiao para mas mapadu-ol ang mga serbisyo sa gobyerno ngadto sa katawhang Moro sa GenSan. (Rem Agdon)
(Source: GenSan CMO)