General Santos City – Gikumperma ni Land Transportation Franchising and Regulatory Board (LTFRB) 12 Regional Director Renato Padua nga gibalik na nila ang libreng sakay sa mga depasaheroang mga sakyanan sa rehiyon.
Sumala pa niini nga dili parihas kaniadto nga ang avail lang sa mga maong programa mao ang mga fronliner, essential worker ug Authorized Person Outside Residence (APOR) karon ang tanan ang mamahimo nang maka avail niini tungod kay gikunsidera matud pa nila ang tanan nga APOR.
Dugang pa ni Dir. Padua nga ang maong programa ang mulungtad ug 60 ka adlaw kun 2 ka bulan kung asa pagabayaran matud pa ang mga depasaheroang sakyanan kada semana pinaagi sa kilometrahe nga ilahang nadagan.
Samtang mi deretso naman usab ang LTFRB ngadto sa mga kooperatiba alang sa mga sakyanan nga gamiton sa libreng sakay kung asa ang kooperatiba na ang mupili niini.
Gipaklaro man usab sa nasangpit nga PUJ, Bus ug UV express lang ang lakip sa maong programa ug walay labot ang mga tricycle.
(Source: LTFRB Region 12)