Si Gensan City Mayor Lorelie Pacquiao ug Dadiangas Medical Center (DMC) President ug Chief Executive Officer, Dr. Cesar Anthony Yabut mipirma og Memorandum of Agreement (MOA).
Kini nga MOA, tali gayud sa lokal nga kagamhanan sa General Santos City ug Dadiangas Health Professionals, Inc. nga gipirmahan karong adlawa, Hulyo 22, 2024 sa City Mayor’s Office Coference Room.
Ang gipirmahan nga MOA mao ang pag-turnover sa Automated External Defibrillator (AED) ngadto sa lokal nga kagamhanan sa General Santos City.
Nunot niini, ang lokal nga gobyerno sa dakbayan maghimo og Emergency Response Team nga maoy responsable sa pagtubag sa mga panginahanglanon sa emerhensya adlaw-adlaw sa pagmonitor sa kahimtang sa unit sa AED, ug tinuig nga pagmonitor ug pagreport sa mga insidente nga naglambigit sa paggamit sa AED. (Rem Agdon)
News&Photos: CMO