Ang kapulisan sa Baliguian, Zamboanga del Norte ang padayun pa karong ga suta, kung kinsa gayud ang responsableng mamumuno sa pagpamusil sa duha ka lalaki nga maoy hinungdan sa ilang hinanaling kamatayon diin wala pa mailhi ang mga responsableng suspetsado sa maong hitabo, nahitabo kini mismo sa Barangay Mamawan, Baliguian, ZDN kaniadtong kadlawon sa Hulyo 21 2024.
Matud pa sa mga nakasaksi nga maoy nakakaplag sa duha ka laking biktima dali sila nga mipahibalo sa kwerpo sa kapulisan sa nahisgutang lugar sa pagsuguro nga ang duha ka lalaki nga matud pa gidudahang gisalibay na lamang kini daplin sa dalan.Ang duruha naka angkon kini ug samad pinusilan gamit ang kalibre.45 sigon sa nakita nga basiyo sa palibot sa nahitaboan.
Sa pakigsusi ang usa ka biktima nakita nga ang kamot adunay gapos sa pisi, ug ang usa naghayang nga pareho silang wa nay kinabuhi diin anaa ra usab sa duol ang ilang gimaneho nga motorsiklo.
Saysay sa mga residente nakadungog sila ug kusog nga buto sa sa pistola diin duol ra mismo sa ilang panimalay ang nahitaboang insidente sa may 12:00 sa tungang gabie.
Hantud karon wa pay saktong impormasyon ang kapulisan kung si kinsa ang responsabling mamumuno sa pagpamusil patay sa duha ka mga biktima diin matud pa gituohang gisalvage sa nahisgutang lungsod. (Angelica T. Obina)
(Source: ZNPPO)