General Santos City – Ang Lokal nga Panggamhanan sa General Santos City gihatagan ug Seal of eBOSS Compliance kagahapon sa buntag, Huwebes sa Metro Manila human niini gipatuman ang eBOSS program matag-renewal sa business permit ilalum sa buhatan sa City Treasurer’s Office.
Mismo gatyud si Gensan City Mayor maoy personal nga midawat sa nasampit nga award. Kauban niya sa awarding sila si Shandee Llido-Pestaño, City Administrator, ug Ressababes Sumalpong ARTA Chairperson.
Ang Seal of eBOSS Compliance nahatag sa dakbayan tungod sa paningkamot sa Lokal nga Panggamhanan ubos sa pagpangulo ni Mayor Pacquiao alang sa fully-automated Electronic Business-One-Stop Shop subay sa ARTA.
Kini nagpasabot sa paghatag og dekalidad ug episyente nga serbisyo sa publiko sa LGU sa General Santos City ug paghimo sa mga transaksyon nga mas paspas, hapsay, ug mas mubo aron ang mga kliyente sa gobyerno dili maglisod sa ilang mga transaksyon.
Ang digitalization usa ka dako nga butang ug ang online nga mga transaksyon gipauswag sa LGU.
Sa tanang empleyado sa Local Government Unit sa General Santos City, Congratulations! (Rem Agdon)
News&Photos: CMO GENSAN