Nasikop na ang usa sa mga Top 5 Most Wanted Person (MWP) sa rehiyon sa Central Visayas human kini nadakpan sa operasyon nga gipangulohan sa City Mobile Force Company (CMFC) sa Cebu City Police Office (CCPO) ubos sa pamando ni PLTCOL Ferdinand M. Casiano, Force Commander, niadtong Mayo 21, 2025 sa Barangay Basak, Mandaue City.
Ang suspetsado gidakop pinasikad sa Warrant of Arrest alang sa kaso nga Murder nga gi-isyu sa Regional Trial Court (RTC) Branch 19, Cebu City, nga walay girekomendar nga piyansa.
Si PCOL Enrico E. Figueroa, Acting City Director sa CCPO, mapasigarbuhong midayeg sa mga sakop sa CMFC sa ilang padayon nga dedikasyon ug walay kapoy nga paningkamot sa pagpangita ug pagdakop sa mga wanted persons.
Iyang gipasabot nga ang ilang kampanya batok sa mga kriminal dili muhunong ug iyang gimandoan ang tanang yunit sa kapulisan nga padayong palig-onon ang operasyon aron masiguro ang malinawon ug luwas nga komunidad sa dakbayan sa Sugbo.
Source: CCPO
I via Renante Socia Lada