General Santos City – Wala ka-ipsot sa kapulisan ang Top 4 City Level Most Wanted Person sa gihimong operasyon sa mga awtoridad sa Purok Guan, Lanton, Barangay Apopong, General Santos City, niadtong Nobyembre 14, 2023.
Ang nasikop nga suspek giila nga si alyas “Alfredo”, 62 anyos, minyo ug residente sa Barangay Sinawal, General Santos City.
Sa report sa General Santos City Police Station 4, tungod sa kabalido sa warrant of arrest nga giluwatan sa korte kalabot sa kasong 3 counts nga statutory rape, ilang nasikop ang suspek human ang mga operatiba sa Barangay Apopong inabagan sa CIDMU.
Nakit-an siya sa mga personahe -GSCPO RSOG12, CIU-GSCPO, ug RID 12 Tracker Team Bravo.
Sa pagkakaron anaa na sa kustodiya sa GenSan PS4 ang suspek alang sa tukmang disposasyon. (Rey Ombana, photo courtesy of PCADG-12)