Mapasalamaton si Mayor Darel Dexter T. Uy ngadto sa Security Bank Foundation, Inc. tungod sa pag-donar niini sa 2-storey, 6-classroom school building ngadto sa Barra Elementary School ning dakbayan sa Dipolog, diin kini giturn-over Nobyembre 16 ning tuiga.
Sumala sa mayor, siya nalipay alang ning nasangpit nga kalamboan tungod kay kini dako kaayo og ikatabang sa maong tulonghaan ug gisaad niini nga ang kagamhanang lokal sa Dipolog, isip suporta, ang motabang dinha sa pag-akatar sa maong school building isip pagpamatuod nga ang dakbayan usa gayod ka livable ug lovable city.
Ang turn-over ceremony gisugdan sa usa ka ribbon cutting nga gipangulohan ni Mayor Uy ug sa Chairman sa Security Bank Foundation nga si Mr. Rafael F. Simpao, Jr. kuyog sa team niini uban usab nila ni City Schools Division Superintendent (SDS) Dr. Ma. Liza R. Tabilon, School Principal sa Barra Elementary School, Ms. Sharika D. Jumawan ug uban pang kadagkoan sa siyudad ug DepEd-Dipolog.
Atol sa hamubong programa, gipabati usab nila ni School Principal Jumawan ug SDS Tabilon ang ilang kalipay ug pagpasalamat ngadto sa Security Bank Foundation, Inc. nga nahimo kining resipiyente sa “Build a School, Build a Nation Program”, tungod kay kini makahatag og kasulbaran sa kakulangon sa mga lawak-saringan ingon man makapalambo kini sa kalidad sa edukasyon sa mga pampublikong tulonghaan dinhi sa dakbayan.
(Source: Dipolog City Government Facebook page)