GENERAL SANTOS CITY- Patay ang usa ka lalake human kining mapusilan sa kapulisan samtang miage kini sa usa ka checkpoint sa Purok Udagre, Barangay Conel ning syudad Sa Gensan. Nahitabo ang insidente ala 1:30 ang takna sa sayong kabuntagon Adlawng Lunes petsa 20, sa bulan sa Desyembre 2021.
Sumala pa ni Pcapt. Ulf Tacucon ang hepe sa San Isidro Police station Nga miage matud pa ang suspek sa checkpoint sa kapulisan sa maong lugar.
Gisulayan matud pa sa kapulisan nga pahunungon ang maong suspek apan, imbes nga mohunong kini, gipabuthan na hinuon ang kapulisan. Didto na mibalos ang kapulisan ug naigo ang suspek hinungdan sa Kamatayon niini
Narekober sa crime scene ang armas sa suspek ug ang motorsiklo nga gigamit niini. Samtang padayon pa usab nga giila sa kapulisan ang maong napatay nga suspek.